A pasada fin de semana 7, 8 e 9 de Novembro, tiveron lugar en Allariz as II Xornadas da Reserva da Biosfera baixo o título “Actuando localmente. Pensando globalmente” nas que o Banco de Tempo de Allariz tivo ocasión de participar, concretamente na mesa redonda “Compartir os recursos. Reducir o consumo” na que interviron diversas experiencias galegas de sistemas de intercambio.

Trocos, bancos de tempo, sistemas de eco-economia, moedas complenetarias, diversas fórmulas orientadas ao principio de compartir os recursos, humanos e materiais. No encontro xuntámonos:

• Banco de Tempo de Vigo (Federación Veciñal Eduardo Chao)
• Vigotroca
• Rede de Troco da Coruña
• Verdegaia (Área de Troco)

ademais de xente que ainda que non estivo na mesa tamém compartiu a súa experiencia, como o Banco de Tempo de Lugo, Fillos de Galicia e algún outro proxecto máis.

As Xornadas foron moi enriquecedoras para alentar o inicio do proxecto do Banco de Tempo en Allariz e a pesares da baixa participación, o ambiente foi distendido e de grande irmanamento entre todos e todas nós.

Entre as cousas máis positivas que xurdiron do encontro cabe destacar a semente dunha posibel rede de proxectos de intercambio, asi como o contacto feito desde o Banco de Tempo de Allariz con proxectos semellantes …o tempo irá guiando os pasos desta nova conexión.

O bon ambiente e a festa prolongaronse até ben entrada a noite…